Umframt allar føroysku fløgurnar, ið plátufelagið Tutl gevur út, verða hvørt ár eisini útlendskar fløgur givnar út á Tutl. Aftur í ár eru fleiri útlendskar fløgur á skránni.

Fyribils eru sjey útlendskar útgávur á skránni hjá Tutl fyri 2007. Danski bólkurin ULC, ein finski bólkurin Qwenland, EestiGrotto úr Estlandi, og spælimansbólkurin Skrå úr Álandi, ið fleiri ivaleyst minnast frá luttøkuni á G!2006, fara øll at geva fløgur út í summar. Harumframt eru ikki færri enn tríggar fløgur við klassiskum tónleiki úr Bolivia, ið verða givnar út á Tutl í næstum.

Nevnast kann, at fløgan, sum vann heiðurslønina sum besta fløga við fólkatónleiki á donsku fólkatónleikaheiðurslønini í mars, Akkrobakkus hjá Afenginn, er útgivin á føroyska plátufelagnum. Henda fløga hevur fingið sera góða móttøku, og er sostatt góð fyri bæði handilsjavna og fyri Tutl, tað ger eisini samstundis vart við felagið.