Sjónleikarin Tom Hardy, ið spælir ein av høvuðsleiklutunum í nýggja stórfilminum Inception, hevur avdúkað, at hann hevur roynt seg við øðrum enn kvinnum.

Hann er í dag 32 ár og giftur við Charlotte Riley, sum hann eigur ein son saman við. Tó hevur hann ikki altíð verið til kvinnur.

Við blaðið Now Magazine sigur unga sprundið, at honum sum tannáringur dámdi væl at royna seg við øðrum mannfólkum og hevur tískil í hesum tíðarskeiði hevði samlegu við fleiri menn.

Hóast hann í dag er giftur við einari kvinnu, avdúkar hann, at hann kennir seg meira femininan enn maskulinan. Men í dag er hann givin við at vera kynsliga saman við monnum og heldur seg til konu sína.

- Nógv fólk siga, at eg tykist meiri maskulinur, men eg kenni meg ikki soleiðis. Eg kenni meg í botn og grund femininan. Harumframt eru tað fleiri bøssar við mær, ið dámar væl skógvar.

Hann tykist vera sera maskulinur í sínum filmsleiklutum, men hetta hevur hann frágreiðing til:

- Kanska er tað tí, at eg ovurbøti fyri, at eg ongantíð verði ein av dreingjunum.

Kelda: bt.dk